Mkataba huu ambao umeandaliwa kwa ajili ya kukodisha Mtambo/Mitambo ya Halmashauri umefanyika leo tarehe……………... Mwezi……….…..Mwaka……………..………
KATI YA
HALMASHAURI YA WILAYA YA MSALALA S.L.P 16 KAHAMA katika Mkataba huu atajulikana kuwa ndiye mmiliki halali wa Mtambo/Mitambo hii kwa upande mmoja wa Mkataba.
NA
Ndugu………………………………………………………………………………. wa S.L.P……………………………………….ambaye katika Mkataba huu atajulikana kama ANAYEKODI Mtambo/Mitambo kwa upande wa pili wa mkataba huu.
NA
KWA KUWA MMILIKI WA MITAMBO AMBAYE NI HALMASHAURI, mmiliki halali wa Greda/Rola na ambalo limesajiliwa kwa ajili ya kufanya kazi mbalimbali za ujenzi kama barabara, kusawazisha maeneo na kushindilia udongo. Mali hii inatambuliwa kwa utambulisho ufuatao:
S/No
UTAMBULISHO
CATERPILLAR
COMPACTOR
1
Namba ya usajili
2
Namba ya Injini
3
Chasses
4
Aina ya Mtambo
5
Model
6
Rangi ya Mtambo
NA
KWA KUWA ANAYEKODI mtambo/mitambo ameonesha dhamira ya kukodi Greda/Rola Mtambo/Mitambo yote miwili (2) kwa wakati mmoja kwa ajili ya kufanyia kazi ambayo Mteja amepanga kufanya ……………………………………………..………..………….ambapo kazi inayotarajiwa kufanyika imo ndani ya Mkoa wa Shinyanga. Hapa Mkataba unaonesha sehemu au eneo la Halmashauri ambako Mitambo inaenda kufanyakazi katika Halmashauri ya Wilaya ya.………………Wilaya…………..……Mkoa wa………………..
SASA IKUBALIKE KAMA IFUATAVYO: -
Kwamba, anayekodi mitambo atailipa Halmashauri malipo halali kiasi cha Tshs………………………………………………………ambapo haya ni malipo ya siku……..…………………za makubaliano ya Mkataba huu yaani kuanzia tarehe………………………….………...hadi tarehe………................................…..malipo haya yatafanyika baada ya kusaini Mkataba na kabla ya kukabidhiwa Mtambo au Mitambo.
Kwamba, kwa kipindi chote cha Mkataba ambacho Greda/Rolla litakapokuwa mikononi mwa ALIYEKODI kwa ajili ya kazi zake: atazingatia mambo yafuatayo:-
Mtambo lazima uwe na mafuta ya kutosha muda wote wa kazi.
Kumlipa fundi Mitambo(Operata) pamoja na msaidizi wake kwa kiwango cha Tshs. 50,000/=(elfu hamsini tu) kwa Operata na Tshs 20,000/=(elfu ishirini tu) Msaidizi wa Operata kwa siku.
Kutoa mafuta kwa ajili ya kusafirisha Mtambo kutoka Halmashauri ya Msalala hadi eneo la kazi na kuirudisha mitambo Makao makuu ya halmashauri.
Kutoa vilainishi vya Mtambo.
Gharama za ulinzi wa Mitambo pia gharama za kuegesha ni jukumu la anayekodi.
Mtambo utasafirishwa au utabebwa iwapo umbali wa sehemu ya kazi ni zaidi ya Km……………..kutoka Makao Makuu ya Halmashauri ya Wilaya ya Msalala.
Kwamba, ANAYEKODI mtambo itampasa kwanza aweke dhamana ya kurudisha mtambo Makao Makuu ya Halmashauri ya Wilaya ya Msalala. kiasi cha Tshs………………………...........................................................(Kiasi hiki cha fedha kitarejeshwa kwa anayekodi baada ya kurudisha mtambo hapa Halmashauri.)
Gharama za kukodi Greda/ Roller kwa saa ni kama ifuatavyo:-
Greda kwa saa 1 ni Tsh………………………………………………………
Roller kwa saa 1 ni Tsh……………………………………………………….
Kwamba, Greda au Rolla litafanya kazi kwa muda wa masaa nane (8) wakati wa saa za mchana kwa siku na si zaidi ya muda huo.
Kwamba, hakuna kazi nyingine ya ziada ambayo Greda litafanya tofauti na makubaliano ya Mkataba huu.
Kwamba endapo Greda/Rolla litaharibika ni sharti Mkurugenzi Mtendaji wa Halmashauri ya Wilaya ya Msalala ajulishwe na hakuna matengenezo yatakayofanyika kabla ya Mkurugenzi Mtendaji (W) hajatoa kibali.
Kwamba, baada ya Mkurugenzi Mtendaji (W) kuarifiwa juu ya hitilafu ya Greda/Rolla atamtuma mtaalamu wake ambaye atasimamia matengenezo hayo kwa gharama za aliyekodi mtambo husika.
Kwamba, endapo atakayekodi mtambo kwa makubaliano ya Mkataba huu atashindwa kuurudisha mtambo kama yalivyo makubaliano ya mkataba huu, atailipa Halmashauri kiasi cha Tshs………………………………………………………..………..kwa kukiuka Masharti ya Mkataba huu (Kurudisha mtambo nje ya muda wa makubaliano).
Kwamba, endapo itatokea tatizo katika kutafsiri Mkataba huu, sheria za nchi zitatumika.
KWA USHUHUDA wa pande zote mbili wa makubaliano haya ambayo yatatekelezwa kwa kuzingatia sheria za nchi kuanzia leo kama tarehe inavyoonesha hapo juu ya kuanza kutumika kwa Mkataba huu.
Mkataba huu umesainiwa kwa makubaliano ya pande zote mbili za Mkataba huu na kuwekwa mhuri na kutolewa hapa KAHAMA leo hii tarehe…………………mwezi …………………2017
