Halmashauri ya Msalala ina jumla ya wakazi 250,727 kati yao 129,376 wanapata huduma ya Maji safi na salama ambao ni sawa na asilimia 51.6.Halmashuri ina jumla ya miradi ya maji ya bomba na Visima 347, .kati ya miradi hiyo visima virefu ni 48 vilivyofungwa pampu za mkono, visima vifupi vipo 275 vilivyofungwa pampu za mkono, mabwawa 6, miradi 6 ya maji ya Mtiririko (Gravity scheme) na miradi 2 inatumia nguvu ya jua.
Mafanikio
Ujenzi wa mradi wa Maji wa Igombe na Mhama umekamilika na una vituo 10 vya maji pamoja na mabirika 2 kwa ajili ya matumizi ya mifugo.
Kielelezo 26.Ujenzi wa tanki lenye lita 75,000 ukiendelea katika Kijiji cha Igombe
Aidha hadi kufikia mwezi Julai, 2017 Ujenzi umekamilika na kukabidhiwa kwa jumuiya ya Watumiaji maji ukiwa na tanki lenye ujazo wa lita 75,000, vituo 10 vya kuchotea maji pamoja na mabirika 2 ya kunyweshea mifugo
Kielelezo 27.Ujenzi wa vituo vya Maji, Usambazaji bomba na Birika la kunyweshea mifugo
Aidha tanki la kupokelea maji katika kijiji cha Igombe limekamilika na maji yanatoka katika vituo 12 vya kusambazia maji.
Kielelezo 28.Tanki kubwa lenye ujazo wa lita 75,000 kwa ajili ya kusambazia maji likiwa limekamilika
Pia Idara ya maji imefanikiwa kufufua na kufanya ukarabati wa Visima visivyopungua 45 taratibu za kushughulikia matatizo ya miradi ya maji iliyokuwa haifanyi kazi zinaendelea kulingana na taarifa zinapopatikana kutoka katika maeneo husika.
Kielelezo 29.ufufuaji wa visima vya maji katika baadhi ya maeneo
Usanifu wa mradi wa maji wa Nduku – Busangi, Nyamigege, Gula, Kisuke, Ntundu, Ntobo na Makao Makuu unaendelea.
Kuzijengea uwezo Jumuiya za Watumiaji Maji 10 na kuzifufua 6 pamoja na uhamasishaji kwa jumuiya nyingine 6 mpya za watumia maji.
