Halmashauri ya Msalala ina Jumla ya Shule za Msingi 94, shule 91 ni shule za Serikali na Shule 3 ni za Binafsi. Idadi ya Wanafunzi ni 65,831 kati yao ke 33,414 na me ni 32,417Idara ya Elimu Msingi ina vitengo 5 ambavyo ni kitengo cha Taaluma,Elimu ya Watu Wazima,Elimu Maalumu,Vifaa na Takwimu na Utamaduni na michezo.
Mafanikio
Idara imefanilkiwa kuandikisha watoto wa darasa la 1 mwaka 2017 kwa 100% ambapo matarajio ilikuwa ni kuandikisha watoto 12,437 na walioandikishwa ni 12,488.
Aidha uandikishaji wa watoto wa darasa la awali umefanikiwa kwa 84% ambapo matarajio ilikuwa kuandikisha watoto 8,675 na walioandikishwa ni 7,294.
Pia Idara imefanikiwa kupunguza msongamano madarasani kwa kusambaza jumla ya madawati 669 katika shule za msingi 91 za serikali zilizokuwa na upungufu wa madawati. Kati ya Dawati hizo, Dawati 32 kutoka kampuni ya TIGO, 537 kutoka Bunge la Jamhuri ya Muungano wa Tanzania na madawati 100 kutoka kampuni ya Mbao Mufindi.
Idara imefanikiwa kupokea na kugawa vitabu 61,711 vya kiada na mihutasari 4,508 na mitaala 3,021 kwa shule za Msingi vilivyotolewa na Serikali kutoka Taasisi ya Elimu Tanzania (TET) kwa wakati. Hii imesaidia kuondoa upungufu wa vitabu vya mtaala mpya kwa madarasa yote kwa shule 91 za serikali.
Ufaulu wa wanafunzi wa darasa la vii mwaka 2015/16 katika matokeo ya mtihani wa taifa ulikuwa chini ya wastani 62% ambapo jitihada zilizofanyika katika usimamiaji,ufuatiliaji na ufundishaji kwa ujumla na ufaulu umepanda kutoka 62.89% mwaka 2015 hadi kufikia 66.27% mwaka 2016/17.
Takwimu za mwaka 2013 hadi 2015 zinaonesha katika Halmashauri ya Msalala wanafunzi kuanzia darasa la 3 hadi la 7 walibainika kutojua Kusoma, Kuandika na Kuhesabu.Wanafunzi hao walikuwa ni 1,868 kati ya 28,249 ambao ni 6%. Hata hivyo yamepatikana mafanikio makubwa kupitia mafunzo ya mara kwa mara ya walimu kazini yanayoendeshwa na Mpango wa kuinua ubora wa Elimu (Equip –Tz) yaliyochangia katika kupunguza idadi ya wasiojua Kusoma, Kuandika na Kuhesabu kwa darasa la 3 hadi darasa la 7 kupungua kutoka 6% mwaka 2014 hadi 2% mwaka 2017.
Kupitia mpango wa kuinua ubora wa Elimu Equip-Tz Maafisa Elimu Kata, Walimu wakuu,Walimu wakuu wasaidizi wamejengewa uwezo wa uongozi kupitia semina mbalimbali.Hii imesaidia kuongeza ufanisi katika utendaji kazi wa kila siku. Aidha katika mafunzo hayo kamati za shule zimejengewa uwezo wa kubuni miradi kwa ajili ya kuinua kipato cha shule ambapo kila shule iliandika andiko kwa kushindanishwa. Shule 46 za serikali kati ya 91zilishinda na zipo katika mpango wa kupewa fedha kwa ajili ya kuanzisha mradi wa kibiashara.
Ili kuboresha zaidi utendaji wa kazi Tumefanikiwa kuwatambua walimu wenye sifa ya shahada na stashahada ambao hatimaye wameteuliwa kuwa Maafisa Elimu Kata na Walimu wakuu, Uteuzi huo ulitokana na maelekezo ya barua ya KatibuTawala wa Mkoa wa Shinyanga yenye kumb Na:CAB.78/297/01B/21, ya tarehe 20/09/2016 ambaye alinukuu barua ya Katibu Mkuu Ofisi ya Raisi TAMISEMI Yenye kumb Na CDA.20/121/60 ya tarehe 16/09/2016 , ambayo ilitoa maelekezo ya kuwateua Maafisa Elimu Kata wenye sifa ya shahada na Walimu Wakuu wenye sifa ya Stashahada.Kutokana na maelekezo hayo Walimu 13 wenye sifa ya shahada waliteuliwa kuwa Maafisa Elimu Kata na walimu 12 wenye sifa ya stashahada wameteuliwa kuwa Walimu Wakuu.
Tume ya Utumishi wa Walimu (TSC)
Tume ya Utumishi wa Walimu (TSC) ni Kitengo, kiliachoanzishwa kwa mujibu wa sheria Na.25 ya Tume ya Utumishi wa Walimu ya Mwaka 2015. Ni Mamlaka ya Ajira na Nidhamu kwa walimu walio katika Utumishi wa umma wa shule za Sekondari na Msingi Tanzania bara.
Kazi za Tume ya Utumishi wa Walimu ni kama ifuatavyo:-
Kuendeleza na kusimamia utumishi wa walimu
Kuajiri,kupandisha vyeo na kuchukua hatua za kinidhamu kwa walimu
Kuhakikisha uwiano sawa katika usambazaji wa walimu ndani ya Serikali za Mitaa na shule
Kushughulikia masuala ya rufaa za walimu zinazotokana na maamuzi ya mamlaka ya kinidhamu
Kutunza daftari na kumbukumbu za walimu
Kusimamia programu za mafunzo ya walimu kazini
Kufanya tafiti na tathmini kuhusu masuala yanayohusu utumishi wa walimu na kumshauri Mkurugenzi inavyostahiki
Kutathmini hali ya walimu na kushauri wizara yenye dhamana ya masuala ya walimu juu ya mafunzo, idadi na uhitaji wa walimu Wilaya.
Kuandaa kanuni za maadili ya utendaji kazi ya mwalimu;
Kuendeleza mfumo wa mawasiliano na ofisi za Tume ngazi ya Wilaya juu ya mambo yote au jambo lolote kuhusiana na maendeleo ya utumishi wa walimu na kuhakikisha kwamba mwajiri na Ofisi ya Tume ngazi ya Wilaya wanaendeleza kazi zao kwa mujibu wa sheria hii;
Idara ya Elimu Sekondari
Halmashauri ya Wilaya ya Msalala ina jumla ya Shule za Sekondari (15). Kati ya hizo (14) zimesajiliwa na moja (1) haijasajiliwa.Halmashauri ina Jumla ya wanafunzi 7,092 kati yao wavulana ni 3,664 na wasichana 3,428. Jumla ya walimu ni 375 Kati yao wakiume 253 na wakike 122.
Uendeshaji shule zote 15 hutegemea fedha kutoka Serikali kuu, na hutumwa shuleni kila mwezi kwa mgawanyo wa Ruzuku ya uendeshaji (Capitation Grant) na fidia ya ada ambayo ni kwa ajili ya matumizi ya kawaida.Matumizi ya fedha za Uendeshaji yamegawanyika katika sehemu (5) (i)35% ni shughuli za utawala,(ii) 30% kuboresha taaluma shuleni, (iii)15% mitihani endelezi. (iv) 10% hutumika kufanya ukarabati na (v) 10% ni kwa ajili ya huduma ya kwanza hususani kwa wanafunzi wa kike.
Shughuli za ujenzi wa Maboma ya vyumba vya Madarasa, Maabara, Nyumba za walimu, Ofisi za Walimu, Mabweni, Mabwaro ya chakula pamoja na Vyoo vya wanafunzi na walimu hufanyika kwa nguvu za wananchi. Halmashauri kwa kutumia Fedha za mapato ya ndani pamoja na zinazotoka Serikali Kuu, hukamilishaji ujenzi wa majengo hayo.
Mafanikio
Idadi ya Walimu
Idadi ya Wanafunzi
Idadi ya vyumba vya madarasa Yanayohitajika, Yaliyopo na Upungufu
N.B Shule nyingi bado zina upungufu wa vyumba vya madarasa.
Mdondoko wa Wanafunzi
N.B Wanafunzi wengi huacha shule wanapoingia kidato cha 2 na 3
Idadi ya Vyumba vya Maabara
Halmashauri ya Msalala katika kutekeleza agizo la Mhehimiwa Rais wa awamu ya 4 Mheshimiwa Jakaya Mrisho Kikwete imefanikiwa kukamilisha ujenzi wa vyumba vya maabara 3(Fizikia, Kemia Na Biolojia) katika shule zote 14 zenye usajili.
Mapokezi ya fedha za ruzuku ya Uendeshaji wa elimu Bila Malipo kwa mwaka wa fedha 2015/17
Katika Mwaka wa fedha 2016/17 Kiasi cha fedha zinazopokelewa kutoka Serikali kuu kimeongezeka ukilinganisha na mwaka wa fedha 2015/16
Matokeo ya Kidato cha 4 kwa mwaka 2015 na 2016
Changamoto zilizosababisha ufaulu kushuka
Uhaba wa walimu wa masomo ya sayansi.
Wanafunzi kutembea umbali mrefu kwenda shuleni na kurudi nyumbani kila siku.
Wanafunzi wengi kushugulika na kazi za kilimo na ufugaji badala ya kuweka kipaumbele katika Elimu.
Utoro wa wanafunzi.
Upungufu wa vifaa vya maabara kwa ajili ya kujifunza masomo ya sayansi kwa vitendo.
Baadhi ya walimu kufanya kazi kwa manung’uniko kutokana na kuchelewa kupandishwa vyeo na wengine kutobadilishiwa mishahara yao baada ya kupandishwa madaraja.
Mikakati ya kuinua kiwango cha ufaulu
Kushirikisha wadau mbalimbali katika ujenzi wa hosteli shuleni.
Kuhamasisha wazazi na walezi wachangie chakula cha wanafunzi.
Kushukisha viongozi wa Kata, Vijiji na vitongoji katika uhamasishaji wa mahudhurio shuleni.
Kuendelea kununua vifaa vya maabara kwa kutumia fedha za ruzuku ya uendeshaji (Capitation Grant)
Kupandisha vyeo walimu waliofikia hatua hiyo na kuwabadilishia mishahara yao kwa
