Aridhi na Nyumba

Idara ya Ardhi, Maliasili na Mazingira

Halmashauri ya Msalala ina ukubwa wa Km² 2,635.2 ambazo ni sawa na asilimia 5.2 (%) ya eneo lote la Mkoa wa Shinyanga. Jumla ya kaya 39,999 zenye watu 250,727 (Ke 128,498 na me 122,234) Sensa ya watu na Makazi Mwaka 2012), hivyo kufanya msongamano wa watu katika eneo la makazi kufikia watu 93.4 kwa Kilometa mraba 1.

Halmashauri ya Wilaya ya Msalala inapatikana kati ya Latitude 3⁰15’’ na 4⁰30’’ kusini mwa Ikweta na Longitude 31⁰30’’ na 33⁰000’’ Mashariki mwa Greenwich. Kaskazini inapakana na Mkoa wa Geita, Kusini inapakana na Mkoa wa Tabora, Mashariki inapakana na Wilaya ya Shinyanga na Magharibi inapakana na Halmashauri ya Mji wa Kahama.

Ramani 1.Ramani ya Mkoa wa Shinyanga kuonesha Halmashauri ya Msalala

Ramani 2. Ramani ya Wilaya ya Kahama kuonesha Halmashauri ya  Msalala

•  
• Kitengo cha Mipango Miji
• Mafanikio
• Uandaaji wa michoro ya Mipango Miji.

Katika kutekeleza majukumu yake,Idara imefanikiwa kuandaa michoro ya Makao Makuu ya Halmashauri ya Msalala katika Kata ya Ntobo pamoja kutangaza maeneo ya Ntobo, Masabi na Segese kuwa maeneo ya Mpango Mji (Planning Area).

Jumla ya michoro (5) ya mipango mji katika eneo la makao makuu Ntobo na Masabi imeandaliwa na tayari imeshapitishwa na kuidhinishwa na Wizara ya Ardhi, Nyumba na Maendeleo ya Makazi. Pia tumehuisha mchoro 1 na kuandaa mwingine 1 katika eneo la Itogwanholo, Kata ya Isaka. Michoro yote 7 ina jumla ya viwanja vya matumizi mbalimbali 4,175. Aidha Michoro yote hii imekwisha idhinishwa na Wizara ya Ardhi, Nyumba na Maendeleo ya Makazi.(Rejea ramani 1,2,3)

Ramani 3. Ramani ya mchoro wa mipango miji eneo la Ntobo Makao Makuu.

Ramani 4.Ramani ya mchoro wa Kutangaza maeneo ya Mipango Miji.

Jedwali 3. Muhtasari wa Michoro na Idadi ya Viwanja (Makao Makuu)

Jedwali 4.Muhtasari wa Michoro na Idadi ya Viwanja(Maeneo mengine)

Jedwali 5. Uandaaji michoro midogo ya kina (Site-plan)

•  Kitengo cha Upimaji
• Halmashauri ya Wilaya ya Msalala imerithi jumla ya viwanja vilivyopimwa 1,978 kutoka Halmashauri ya Kahama,kati ya viwanja hivyo jumla ya viwanja 1,962 vimeidhinishwa na viwanja 16 ni vya upimaji wa awali (dermacation).

Jedwali 6.Takwimu za viwanja vya zamani

Aidha katika kipindi cha mwaka 2016-2017 Idara imefanikiwa kupima jumla ya viwanja 414 Mchanganuo wa viwanja hivyo ni kama ifuatavyo hapa chini.

Jedwali 7.Takwimu za viwanja vipya (2016-2017)

Kitengo cha Usimamizi wa Ardhi. 

Kitengo cha Ardhi katika Usimamizi wa Ardhi kwa mwaka 2016/2017 imefanikiwa kutekeleza majukumu yake kama ifuatavyo:

• Utoaji wa Hati

Jumla ya hati 123 zimetolewa, kwa mwaka 2016 imetoa hati 81 na kwa mwaka 2017 imetoa hati 42, pia hatimiliki 5 za kimila zimetolewa.

• Ukusanyaji wa  kodi

Jumla ya Tshs 67,043,058.23 zimekusanywa.Kwa mwaka 2016 imekusanya Tshs 22,347,686.08 na kwa mwaka 2017 imekusanya Tshs 44,695,372.15

• Utatuzi wa Migogoro ya Ardhi

Migogoro ya Ardhi iliyosikilizwa na kutatuliwa kipindi cha mwaka 2016/2017 ni kama ilivyo ainishwa kwenye jedwali hapa chini.

Jedwali 8.Utatuzi wa Migogoro ya Ardhi maeneo mbalimbali

Kitengo cha Uthamini

Kitengo cha Uthamini ni miongoni mwa vitengo vinavyounda Idara ya Ardhi na Maliasili,kitengo hiki kinashughulika na shughuli zote zinazohusiana na mambo ya uthamini. Katika kipindi cha mwaka wa fedha 2016/2017, kitengo cha uthamini kimetekeleza mambo yafuatayo:-

• Kufanya Uthamini wa Mali za Serikali zilizopo katika Halmashauri ya  Wilaya ya Msalala. Kitengo kimefanikiwa kufanya uthamini wa mali zote za Halmashauri ikiwemo majengo, ardhi, madaraja, barabara, pamoja na vifaa vya ofisi. Katika zoezi hili jumla ya vijiji 92 vya Halmashauri vilitembelewa na mali zilizopo kufanyiwa Uthamini.
• Utatuzi wa migogoro yote inayohusu fidia, kwa kiasi kikubwa kwa maeneo yaliyotwaliwa na halmashauri ambapo wamiliki wa maeneo wamekuwa wakidai fidia, kitengo cha uthamini kimekuwa kikishughulikia kero hizo na kuhakikisha wahusika wanapata stahiki zao.
• Kitengo cha Uthamini kimeandaa mpango mkakati wa kuanza kukusanya kodi za majengo, kodi hizi tunategemea kuanza kukusanya mwaka wa fedha 2017/2018 ambapo mapato ya Halmashauri yataongezeka mara dufu.

Kitengo cha Maliasili

Kitengo cha maliasili kinaundwa na vitengo vidogo3 ambavyo ni kitengo cha Misitu,Nyuki na Wanyamapori.

Kitengo cha Misitu

Mafanikio

Zoezi la upandaji miti

Halmashauri inaendelea na utekelezaji wa zoezi la upandaji miti katika mwaka 2016/2017 zoezi la upandaji miti lizinduliwa na Mkuu wa Wilaya ya Kahama Mh.Fadhili Nkulu tarehe 01/03/2017 akiongozana na Mkurugenzi Mtendaji wa Halmashauri ya Msalala pamoja na watumishi kutoka idara mbalimbali, jumla ya miche ya miti 3,500 ilipandwa katika eneo la Makao Makuu ya Halmashauri yaliyopo Kata ya Ntobo .ili kukabiliana na mabadiliko ya tabia ya nchi, Halmashauri imetekeleza shughuli za upandaji miti katika kipindi cha mvua za vuli na masika katika  taasisi za Serikali ikiwa ni pamoja na  Shule za Msingi na Sekondari.

Mafanikio

• Wakati wa msimu wa mvua za vuli na masika  (2016/2017) jumla  ya miti 24,385 imepandwa katika maeneo ya Shule za Msingi, Sekondari ofisi za Serikali pamoja na Zahanati, Halmashauri kwa kushirikiana na kikundi cha Segese Agroforestry pamoja na Ndg. Nicholous Paul mdau wa mazingira kutoka Kata ya Shilela.
• Jumla ya miti 90,282 imepandwa kwenye kaya pamoja na watu binafsi hivyo kufanya jumla ya miti iliyopandwa 2016/2017 kuwa 114,667.

Kielelezo 59.Mkuu wa Wilaya ya Kahama Mh.Fadhili Nkulu na Mkurugenzi Mtendaji wa Halmashauri ya Msalala Ndg, Simon Berege wakishiriki zoezi la upandaji miti lililofanyika katika eneo zitakapojengwa Ofisi za Halmashauri ya Msalala

• Kitengo cha Nyuki

Ufugaji nyuki ni moja ya shughuli zinazofanywa na wananchi wa Halmashauri ya Msalala ili kujiongezea kipato.Jumla ya mizinga ya kisasa 595 na mizinga ya kienyeji 1,648 imetundikwa katika maeneo mbalimbali ya Halmashauri.Uhifadhi wa mazingira ni moja kati ya faida kubwa zinazotokana na ufugaji nyuki katika maeneo ya misitu ilipotundikwa mizinga. Shughuli ya ufugaji nyuki inakabiliwa na changamoto ya uharibifu wa mazingira kutokana na shughuili za kibinadamu za uchomaji mkaa, kunipamoja na ukataji miti kwa ajili ya matimba yanayotumika kwenye migodi, ukosefu wa elimu ya ufugaji wa nyuki kitaalamu kwa kutumia mizinga ya kisasa (morden bee hive).

•  
• Kitengo cha Wanyamapori

Kitengo cha wanyamapori kimeundwa na vitengo vidogo 3 Misitu, Nyuki na Wanyamapori.

Mafanikio 

• Ukusunyaji ushuru wa gobole na uhakiki wa silaha kila Kata ndani ya Halmashauri ya Msalala

Kitengo kimeweza kuwahamasisha wamiliki wa gobore kwa kuwaandikia barua kwa kushirikiana na Maafisa Watendaji Kata zote ndani ya Halmashauri yetu kulipia ushuru wa silaha wanazomiliki kwa wakati ili kuepuka usumbufu, sambamba na hilo pia kitengo kimefanikiwa katika utoaji wa elimu juu ya taratibu za kufuata katika umiliki wa nyara za serikali zaidi elimu hiyo ililenga waganga wajadi wanaopatikana katika kata zote ndani ya halmashauri.

• Kuzuia vifo vya watu na mifugo na uharibifu wa mazao unaosababishwa na wanyamapori.

Kitengo kimefanikiiwa kudhibiti wanyama waharibifu zaidi ikiwa ni fisi katika kila kata walipokuwa wakijitokeza na kuvamia hivyo kusababisha vifo vya mifugo na kuhatarisha usalama wa watu waishio ndani ya kata ya hizo. Zoezi Hilo lilifanyika kwa ufanisi mkubwa kwa kushirikiana na wanakijiji wa kata husika na viongozi wao. Miongoni mwa mafanikio yaliopatikana katika shughuli hiyo ya kudhibiti wanyama waharibifu ni kama ifuatavyo:-

Ngaya ni Kata inayozungukwa na mawe makubwa ambayo inapelekea kuwa mazalia ya fisi, hivyo kutokana na uhaba wa chakula kwa wanyama hao hatarishi hupelekea kuwinda mifugo ya wakazi wa eneo hilo walioko pembezoni mwa milima hiyo na kuharibu mazao yao kama matikiti.

Katika zoezi lililofanyika siku 4 kuanzia tarehe 06/09/2016 mpaka 09/09/2016, majira ya usiku ikijumuisha Afisa Wanyamapori Msalala na Maafisa Wanyamapori wengine 2 kutoka pori la akiba la Moyowosi/Kigosi pamoja na vijana 2 (wasaidizi). Tulifanikiwa kuzunguka milima 3 kwa kutega mitego pamoja na doria za kuzunguka milima hiyo,katika zoezi hilo tulifanikiwa kuua fisi sita (6) ambao walikuwa wanahatarisha maisha ya wakazi wa eneo husika na mali zao, kwa kufuata sheria ya wanyamapori No.5 ya mwaka 2009. Pia kuna viashiria vya fisi kuwepo kwa vile bado kuna mapango ambayo ndio hasa makazi yao, hivyo baada ya zoezi hili tuliwaelekeza wananchi pindi inapotokea taarifa ya kuonekana kwa wanyama hao ifikishwe haraka ofisini kwa ajili ya kuchukuliwa hatua.

Sehemu nyingine ni Kata ya Bulyanhulu ambapo palitokea taarifa ya kuonekana fisi “spotted hyena Crocuta crocuta” ndani ya mgodi wa Bulyanhulu aliekuwa anahatarisha usalama wa wafanyakazi wa mgodi na pia kufanya shughuli za uzalishaji kusimama kwa muda. Mkuu wa Wilaya aliagiza suala hilo kushughulikiwa, hivyo kwa kushirikiana na askari wanyamapori 2 kutoka pori la Kigosi/Moyowosi mnamo tarehe 2/11/2016 mpaka 3/11/2016 aliwindwa mnyama huyo na kufanikiwa kumua majira ya saa 8 usiku na kufuata taratibu zote za sheria ya wanyamapori No.5 ya 2009 kwa ajili ya kumuhifadhi.Hivyo kuruhusu shughuli za uzalishaji kuendelea kama awali.

Kielelezo 60.Fisi alieuwawa baada ya kuvamia katika mgodi wa Bulyanhulu. 

Kielelezo 61.Wanyama hatari waliopatikana wamekufa katika Kijiji cha Kakola no.9

Kata ya Chela ni miongoni mwa kata inayozungukwa na safu za mlima wa lyandilabaloha ambapo inaaminika kuwa na wanyama hatari kama fisi na mbweha wanaoweza kushambulia mifugo na watu. Hivyo kitengo cha wanyamapori kiliunda kikosi kazi kwa ajili ya kudhibiti wanyama hao hatari mnamo tarehe 28/4/2017 mpaka 30/4/2017 kuzunguka maeneo ya Chela na kufanikiwa kuua fisi (5) na mbweha (1). Hivyo kwa idadi hiyo ya wanyama hao hatari kufa kulisaidia kupunguza uvamizi kwa mifugo ya wakazi wa maeneo hayo.

Kielelezo 62 Wanyama hatarishi waliopatakana wamekufa Kata ya Chela